Guhera kuri uyu wa Kane tariki ya 22 Nzeli 2022 kugeza kuwa Gatandatu tariki ya 24 Nzeli 2022, mu Bitaro Bikuru bya Ruhengeri hari Itsinda ry'Inzobere z'Abaganga zaturutse muri "Heal Osteomyelitis Africa", Umuryango Udaharanira Inyungu Ugamije Kuvura, Kurwanya no Gukora Ubushakashatsi ku Ndwara yo Kumungwa kw'Amagufa.

Impamvu nyamukuru y'uru ruzinduko ni ukunganira Inzobere zo muri ibi Bitaro mu kugabanya umubare munini w'abarwayi bari bategereje Serivisi yo Kubagwa Amagufa.

Igikorwa nyirizina kikaba cyabimburiwe n'ikiganiro kigufi kuri uyu Muryango (HOA) n'Abafatanyabikorwa bawo; gahunda iyobowe na Dr. KARENZI David, ku ruhande rw’Ibitaro Bikuru bya Ruhengeri, afatanyije na Dr René MUKEZAMFURA (Deputy Chairperson), uhagarariye Umufatanyabikorwa/HOA.

Dr. KARENZI David

 Dr René MUKEZAMFURA

Muri iyi gahunda, biteganyijwe ko hazavurwa abarwayi 30 basanzwe bari ku rutonde rwakozwe ku bufatanye n’impande zombi.