Iyi ni Insanganyamatsiko y'Ubukangurambaga ku Mirire Iboneye, bwateguwe n'Ibitaro bya Ruhengeri, ku bufatanye na "Operation Smile", bwabereye ku Kigo Nderabuzima cya Musanze, kimwe mu Bigo Nderabuzima 17 bishamikiye kuri ibi Bitaro, giherereye mu Murenge wa Musanze, mu Kagari ka Rwambogo, mu Mudugudu wa Runyangwe, Isibo ya 8 Ubumwe, kuri uyu wa Gatandatu, tariki ya 16 Werurwe 2024.

Umushyitsi Mukuru yari Umuyobozi w'Ishami ry'Ubuzima mu Karere ka Musanze, Madamu MUKAYOBOKA Vestine, wari kumwe na Dr. Augustine Hellar (Operation Smile, Regional Director, East Africa), bakiriwe n'Umuyobozi w'Ikigo Nderabuzima, Bwana NDUWAYEZU Gilbert, ndetse n'Umukozi Ushinzwe Imirire n'Imbonezamirire, Bwana BENIMANA Jean Sauveur. 

Iki gikorwa cyari cyitabiriwe n'Ababyeyi bo mu Karere ka Musanze bafite abana bafite ibibazo by'imirire muri rusange, by'umwihariko n'ababyeyi bafite abana bafite Indwara y'Ibibari baturutse hirya no hino mu Ntara zose z'Igihugu n'Umujyi wa Kigali, bazavurirwa muri ibi Bitaro.

Muri rusange, hakaba hashimangiwe ko Isuku muri byose na hose aribwo buzima, ko ibigize indyo yuzuye tubifite iwacu, ko indwara y'ibibari ivurwa kandi igakira, bityo bakaba bagomba kubisangiza n’abandi.

Mu bwitonzi n'ubushishozi bwinshi, n'amatsiko akomeye, abari bitabiriye bakurira impanuro

Nyuma yo gufata amafunguro yari yateguwe no kugaburira abana, abana bari aho bapimwe ibiro, uburebure, ikizigira,.. mu rwego rwo gusuzuma imikurire yabo.

Ikindi gikomeye ni uko ubu bukangurambaga bwabaye n’umwanya mwiza wo kubashishikariza kurushaho kugana Abajyanama b'Ubuzima, kubyarira kwa muganga, kuboneza urubyaro, kwipimisha Indwara Zitandura ku Bigo Nderabuzima, gukora siporo, n'ibindi.

Umushyitsi Mukuru ashimangira impanuro zari zatanzwe