Buri Mwaka, ku itariki ya 01 Gicurasi, hizihizwa Umunsi Mukuru Mpuzamahanga w'Umurimo, urangwa n'ibikorwa bitandukanye birimo no Gutora no Gutanga Ibihembo ku Mukozi wabaye Indashyikirwa muri uwo Mwaka.

Ni muri urwo rwego mu gitondo cyo kuri uyu wa Kane tariki ya 27 Mata 2023, Abayobozi n'Abakozi bakorera mu Bitaro bya Ruhengeri babyukiye mu Gikorwa cyo Kwihitiramo Umukozi wahize abandi hashingiwe ku mitangire ya serivisi, imibanire ye n'abandi n'ibindi.

Mu Cyumba cy'Inama Abakozi bakereye kwitoramo uwahize abandi

Muri iki gikorwa cyayobowe n'Umuyobozi Mukuru, Dr.MUHIRE Philbert, Umukozi waje ku isonga yabaye Madamu SAFI Charmante, Umuforomokazi ukorera muri Chirurgie, wungirijwe n'Ibisonga 3: Madamu  NYENYERI Marie Médiatrice (Secretaire), Bwana  MUHOZA Yves (Maintenance) na Dr. TWIZERE Yves Coco Victor (Chirurgie).

Abatowe hagati ya DG bafata ifoto

Mu butumwa yatanze, Umuyobozi Mukuru ashimiye Abakozi bose muri rusange uruhare rwabo mu buzima bwa buri munsi bw'Ibitaro, ndetse n'ubw'Igihugu, bityo abasaba kurushaho gukorera hamwe no kongera ikibatsi kugira ngo igipimo cy'uko abarwayi bishimira serivisi bahabwa kizamuke, nubwo ngo ntabyera ngo de.

 By'umwihariko, abatowe basabwe gusigasira icyizere bagiriwe no gukomeza kwera imbuto aho bari hose.

Uyu SAFI Charmante akaba akorera muri ibi Bitaro kuva mu Mwaka w'Ibihumni bibiri (2000).