Mu gitondo cyo kuri iki Cyumweru tariki ya 28 Werurwe 2023, abatuye n’abakorera mu Mujyi wa Musanze no mu nkengero zawo babyukiye muri ya Gahunda ya Siporo ya Bose, #CarFreeDay, ku bwinshi kandi mu ngeri zose.

Iyi siporo yatangiriye mu Mujyi rwagati, bazenguruka mu bice bitandukanye bigize Umujyi, hanyuma bakomereza muri Sitade Ubwotrohderane, ahakomereje imyitozo ngororamubiri hakanatangirwa impanuro z’umunsi.

Aha, Umuyobozi Mukuru w’Ibitaro bya Ruhengeri,Dr.MUHIRE  Philbrt, udahwema gukora ubukangurambaga ku kamaro ka Siporo, by’umwihariko mu kurwanya Indwara Zitandura, akaba yongeye kuboneraho umwanya wo gushimira byimazeyo Ubuyobozi bw’Akarere ka Musanze, Umurenge wa Muhoza, Abafatanyabikorwa barimo n’Inzego z’Umutekano zitandukanye kuri uyu muco mwiza wo gusigasira ubuzima, binyuze muri iyi Siporo ya Bose imaze gushinga imizi muri aka Karere k’Ubukerarugendo.

Muri iyi gahunda, abitabiriye bakaba bakomeje kugira amahirwe yo gusuzumwa ku buntu Indwara Zitandura zirimo Umuvuduko w’Amaraso na Diyabete abenshi bazi ku izina ry’Igisukari, babifashijwemo n’Abakozi b’Ibitaro  n’Umuyobozi wabo n'Ikigo Nderabuzima cya Muhoza. Bahamagarirwa kandi ku kwita ku Mirire Iboneye kubera ko byuzuzanya ndetse no kugira isuku aho abari hose.

DG w'Ibitaro afasha Abakozi (aho yapimaga ibiro n'uburebure)