Ni kuri uyu wa Mbere tariki ya 03 Kamena 2024, kuri Site y'Ikigo Nderabuzima cya Musanze, mu Murenge wa Musanze, Akagari ka Rwambogo, Umudugudu Runyangwe, ahatangirijwe Icyumweru Cyahariwe Ubuzima bw'Umubyeyi n'Umwana, ku Rwego rw'Akarere ka Musanze, kizasozwa kuwa Gatanu tariki ya 07 Kamena 2024, kimwe n'ahandi hose mu Gihugu.

Iki gikorwa cyitabiriwe n'Umuyobozi w'Akarere Wungirije Ushinzwe Imibereho Myiza y'Abaturage, Bwana KAYIRANGA Théobald, Uhagarariye OMS, Dr. MUGABO Jules, Intumwa ya RBC, Madamu Alice GAGA, Umuyobozi Mukuru w'Ibitaro bya Ruhengeri, Dr. MUHIRE Philbert, n'abandi Bayobozi n'Abakozi mu Nzego zitandukanye.

Bakiriwe n'Umunyamabanga Nshingwabikorwa w'Umurenge, Bwana TWAGIRIMANA Edouard, n'abaturage, abashimira iyi nyunganizi mu bukangurambaga.

Ikigo Nderabuzima cya Musanze

Abaturage bari babukereye

Umunyamabanga Nshingwabikorwa w'Umurenge wa Musanze atanga ikaze

Abitabiriye basobanuriwe impamvu nyamukuru y'iki Cyumweru kiba buri Mezi 6, na Serivisi zisanzwe zitangwa ariko zizongerwamo imbaraga muri iki Cyumweru, nk'uko Insanganyamatsiko ibivuga: "HEHE N'IGWINGIRA: Twite ku Buzima bw'Umubyeyi Utwite n'Umwana, Imirire n'Isuku, Dukingiza Abana Inkingo Zose." 

Abatanze impanuro bose bakaba bahurije ku kwishimira ubufatanye hagati y'Inzego, hacibwa akarongo ku ruhare rw'Abajyanama b'Ubuzima, kwibutsa abagabo n'abagore kwita ku Buzima bw'Umwana no Kwimakaza Umuco w'Isuku aho bari hose, ku myambaro, ku mubiri, mu gutegura amafunguro no mukuyafata, hirindwa Indwara Ziterwa n'Isuku nke, harimo n'iyo mu kanwa.

DG asobanura amavu n'amavuko y'iki Cyumweru

Intumwa ya WHO ishimira inizeza ubufatanye muri iki gikorwa

Umushyitsi Mkuru atanga impanuro

Muri iyi gahunda rero, ku Bana, harakingirwa Indwara y'Iseru na rubewole kuva ku mezi 9 kugeza ku myaka 6 mu Turere 19, hatangwe Ibinini by'Inzoka, Ifu ya Ongera, Vitamini A irinda ubuhumyi, gupima imikurire, ibiro, ikizigira, n'uburebure. Ku Bakuru, hazatangwa Ibinini by'Inzoka, Serivisi yo Kuboneza Urubyaro no Gupima Inda ku Bagore Batwite, Ibukangurambaga ku mirire, isuku, … .