Ku mugoroba wo kuri uyu wa Kane tariki ya 05 Nzeli 2024, habaye Umuhango w'Ihererekanyabubasha hagati y'Umuyobozi Mushya w’Ishami ry’UIbuvuzi (Medical and Allied Health Services), Dr.IZABAYO Emmanuel, n'Umuyobozi waryo usoje inshingano, Dr.HIRWA Aimé, mu Bitaro bya Ruhengeri.

Uyu muhango wabereye mu Cyumba cy’Inama cya Centre Pastoral Notre Dame de FATIMA, ukaba wari witabiriwe n'Umuyobozi Ushinzwe Imirimo Rusange mu Karere ka Musanze (DM), Bwana NTAWUMENYUMUNSI Alphonse, Perezida wa Komite y'Ubuzima y'Ibitaro, Bwana BAGIRUWIGIZE Emmanuel, RUGEMA Fred (HR Specialist/ MINISANTE), Abagize Komite Nshungamutungo ndetse n'Abayobozi ba Serivisi zose muri ibi Bitaro.

Bakiriwe, banashimirwa na Dr.MUHIRE Philbert, Umuyobozi Mukuru w'Ibitaro, muri rusange  impanuro zatanzwe muri uyu muhango zikaba zahurizaga ku gushimira Dr.Aimé (ubu ugikorera muri ibi Bitaro nk'Umuganga Ubaga, Umwarimu n'Umushakashatsi) ubwitange bwamuranze mu guharanira ko abagana Ibitaro bishimire Serivisi bahabwa ndetse no kwizeza ubufatanye Umuyobozi Mushya, buri wese mu Nshingano ze.

Umuyobozi Mukuru w'Ibitaro mu ijambo ry'ikaze

Umuhango nyirizina w'Ihererekanyabubasha

Mu gihe cyo kubaha ikimenyetso cy'ishimwe bashimira ucyuye igihe banaha ikaze ugiye kumukorera mu ngata

Perezida wa Komite y'Ubuzima atanga ubutumwa bushimira kandi buhamagarira buri wese kongera ikibatsi mu byo akora

Abakozi bari bitabiriye bafatana ifoto n'aba Bayobozi bombi mu rwego rwo kwishimira igikorwa

Tubamenyeshe ko uyu Dr.Emmanuel na we yari asanzwe ari Inzobere muri Serivisi Ivura Indwara zo mu Mubiri (Internal Medecine) muri ibi Bitaro bya Ruhengeri.