Kuri iki gicamunsi cyo kuri uyu wa Gatanu tariki ya 16 Kamena 2023, mu Bitaro bya Ruhengeri habereye Umuhango w'Ihererekanyabubasha hagati y'Umuyobozi w'Ishami ry'Ubuyobozi n'Imari (DAF) Ucyuye Igihe, Bwana NSANZUMUHIRE Wellars, wasezeye ku mpamvu ze bwite,  na Madamu IBYIMANA Consolatrice (Chief Accountant) ubaye amusimbuye kuri uwo Mwanya by'Agateganyo.

Amushyikiriza mu nyandiko zikubiyemo buzima bw'Ibitaro

Uyu muhango wari witabiriwe na bamwe mu Bagize Komite y'Ubuzima y’Ibitaro, barimo na Bwana NTAWUMENYUMUNSI Alphonse, Umuyobozi w'Ishami ry'Imirimo Rusange mu Karere ka Musanze, wari Uhagarariye Ubuyobozi bw'Akarere ka Musanze) n'Abakozi muri batandukanye muri ibi Bitaro. Bakiriwe n'Umuyobozi Mukuru w'Ibitaro, Dr.MUHIRE Philbert, n’Itsinda rya bamwe mu Bakozi bari bahagaririye bagenzi babo muri Serivisi zitandukanye.

Bamwe mu bari bitabiriye

Muri rusange, ubutumwa bwahatangiwe, bwahurizaga ku gushimira uyu Mukozi uruhare rwe mu guharanira isura nziza y’Ibitaro n’iy’Igihugu muri rusange mu myaka ibiri n’igice yari amaze muri ibi Bitaro (kuva ku itariki ya 01 Mata 2021) no kumwifuriza ishya n’ihirwe aho yimuriye ingamba, na we ashimira Ubuyobozi bw'Igihugu n'uwb'Ibitaro icyizere bari baramugiriye, na buri wese mu bari aho, imikorere n’imikoranire ndetse anabizezako ubu bufatanye ntakizigera kibukoma mu nkokora.

Ku rundi ruhande, mugenzi we basimburanye imirimo myiza mu nshingano zindi ahamagariwe, binyuze mu kujya no kugisha inama no gukorera hamwe, cyane ko nubundi asanzwe ari umwe mu Bakozi babarizwa muri iri Shami akaba atari nabwo bwa mbere akoze kuri uyu mwanya, nk'uko na we yabitangaje mu ijambo rye ashima icyizere yagiriwe ariko anasaba inyunganizi muri uru rugamba.

Mu izina ry'Ubuyobozi bw'Aakarere,DM atanga impanuro

Umuhango wasojwe no gufata Ifoto Rusange.