Mu rwego rwo kurushaho   kongera imbaragamu rugamba Isi, n’Igihugu cyacu cy’u Rwanda, ihanganyemo n’ikibazo cyo gukumira no kurwanya Indwara Zitandura (NCDs), mu gitondo cyo kuri uyu wa Mbere, tariki ya 19 Gashyantare 2024, mu Bitaro bya Ruhengeri hatangiye Gahunda Yihariye Ihoraho yo Gusuzumira izi Ndwara ku marembo yombi y'Ibitaro, ku bushake kandi ku buntu, ku bagana Ibitaro ku mpamvu zitandukanye, abarwaye n’abatarwaye, kuva ku myaka 35 y’amavuko kuzamura, ku Bagore, no kuva ku myaka 40, ku Bagabo. Ni buri munsi, kuva kuwa Mbere kugeza kuwa Gatanu kuva saa moya n’igice z’igitondo kugeza saa kumi n’imwe z’umugoroba (07h30'- 17h00).

Ni igikorwa cyateguwe n’Ibitaro ku bufatanye n'Ikigo Nderabuzima cya Muhoza, cyatangijwe ku mugaragaro n'Umuyobozi Ushinzwe Abaforomo n'Ababyaza (DNM), Madamu INGABIRE Clémentine, ari kumwe n'Umuyobozi w'iki Kigo Nderabuzima cyavuzwe haruguru cya Muhoza, Bwana MBARUSHIMANA Emmanuel, ndetse n'Umuforomo ukorera muri Serivisi ya “NCDs” muri ibi Bitaro, Madamu AYINGENEYE Delphine.

“Kwisuzumisha Biruta Kwivuza!”

DNM abimburira abandi kwisuzumisha, asuzumwa n'Umuyobozi w'Ikigo Nderabuzima cya Muhoza

Umuforomo muri NCDs atangira gupima ibiro n'uburebure

Ku Marembo y'Imbere (Main Gate)

Ku Marembo y'inyuma